विद्यालयको आफ्नै पहल, सरोकारवालाहरू सँगको सहकार्य एवम् समन्वयबाट शिक्षण सिकाइमा सुधार ल्याउनु विद्यालयको मुख्य उद्देश्य हो । विद्यालय सुधारमा योजना निर्माण, कार्यान्वयन र समीक्षामा विव्यसको भूमिका निर्णायक रहन्छ । विद्यालयमा योजनाको निर्माण र यसको प्रभावकारी कार्यान्वयनबाट मात्र विद्यालयको उद्देश्य पूरा हुन्छ । प्रधानाध्यापक, शिक्षक, विद्यालय व्यवस्थापन समिति र शिक्षक अभिभावक संघले योजना कार्यान्वयनको अवधिमा नियमित रूपमा अनुगमन एवम् समीक्षा गरी आवश्यकता अनुसार परिमार्जन गर्दै जानुपर्दछ । विद्यालयको ऐतिहासिक, शैक्षिक, भौतिक, आर्थिक तथ्यांक अद्यावधिक हुनु जरुरी छ । विद्यालयमा योजना कार्यान्वयनका लागि आवश्यक स्रोतको व्यवस्थापन गर्ने प्रमुख जिम्मेवारी विद्यालय स्वयम्को हुनेछ । यसका लागि हामी सबै एकजुट हुनु आजको आवश्यकता हो । विद्यालयको विकासमा सबै अभिभावक, शिक्षक एवम् सरोकारवाला सबैलाई हातेमालो गर्न अनुरोध गर्दै विद्यालयको उत्तरोत्तर प्रगतिको कामना गर्दछु । धन्यवाद ।